Boxi Shqipëtar
Nasi Hani bokson kundër hungarezit Kristian Jaksi
Në momentin e fundit, vetëm disa ditë para meçit, Federata e boksit profesionist në zvicërr, ka njoftuar stafin e boksierit shqiptar Nasi Hani, se nuk do të boksojë kundër boksierit polka Radoslaw Musial, pork y është zëvëndësuar më boksierin hungarez, 24 vjeçarin Krisztian Jaksi. Boksieri profesionist shqiptar nga Struga, Nasi Hani, në përballjen e tij të dytë, nesër, më datë 29 gusht, kundërshtrar në ring do ta ketë boksierin hungarez Krisztian Jaksi. Kjo iu bë e ditur vetëm para katër ditët e fundit stafit të Nasi Hanit në Zvicër. Ky meç do të mbahet në Bazel të Zvicrrës.
Nasi Hani, sipas stafit të tij është i pregatitur mirë për sfidën e radhës, duke shtuar se, pasi përfundoi fazën e parë të pregatitjeve në “Gleasons gym” në Neë York, nën përkujdesjen e trajnerit Bob Jackson, fazën përfundimtare pregatitore, për aspektin tekniko-taktik, e ka zhvilluar në Zvicërr.
Për fazën përfundimtare të pregatitjeve, menaxheri Danniel Hartman, që është edhe president i “Boxing Kings”, ka angazhuar pos të tjerëve, edhe trajnerin Konrad Mitelmajer, trajner i mirënjohur në “Universum” të Gjermanisë, që dikur ishte trajner i boksierit kubanez Juan Karlo Gomez, ish kampion botëror, dhe shumë boksierëve të tjerë të spikatur.
Nasi Hani, edhe më parë, gjatë kontakteve si dhe gjatë bisedës së fundit telefonike, lidhur me pregatitjet dhe për zëvëndësimin e kundërshtarit shkurt deklaroi: “ Nuk kam koment. Nuk është punë e imja të komentoj gjërat, por puna ime është të realizoj programin e pregatitjeve që janë mjaft të mundimshme por vlerësoj se shumë të suksesshme. Nuk më bën përshtypje se kush do të ngjitet në ring si kundërshtar, unë duhet të bëj punën time në ring dhe të shënoj fitoren e radhës nesër (të shtunën) më 29 gusht. Ndihem, se jam i pregatitur për fitoren e radhës, të ngjashme me ate të 22 majit”.
Lidhur me ndërhyrjen e Federatës, për zëvëndësim të pazakonshëm të kundërshtarit, polakut Radoslaw Musial me hungarezin Krisztian Jaksi, nga stafi i Nasi Hanit, pohuan për një gjest human, për të mos pësuar kundërshtari ndonjë KO fatal nga boksieri shqiptar. Kur kihet parasysh se në skedën e boksierit Radoslaw Musial, nuk ka të shënuar ndonjë rezultat të lakmueshëm, atëhere është krejtësisht e qartë pse është ndërmarrë ky vendim. Ndërkaq, në skedën e boksierit hungarez janë evidentuar këto të dhëna: lartësia 1.88 m, 18 përballje, prej të cilave ka shënuar 5 fitore, 4 barazime dhe 9 herë ka pësuar disfatë. Megjithate, ringu është arena e dëshmive të cilësive, aftësive, shkathtësive dhe efekteve të pregatitjeve të boksierëve.
Kjo do të jetë paraqitja e dytë e Nasi Hanit në boksin profesionist,(pesha deri 91 kg). pasi debutimin në ringun profesionist me fitore me KO kundër hungarezit Darius Balla me 22 maj, në “Casino Cursal” në Bern të Zvicrrës.