Kompania DIGITALB njofton të gjithë Abonentët e Platformës Satelitore, se në bashkëpunim të ngushtë me EUTELSAT arritën të zgjidhin problemin, që ndodhi si pasojë e avarisë hapësinore në satelitin W2-16˚ në Lindje.
Prej ditës së sotme, DIGITALB do të transmetojë sërish në satelit të gjithë kanalet e platformës, në të njëjtin pozicion orbital.
Por, që të mund të rimarrin sinjalin e të gjitha frekuencave përmes të cilave transmetohen kanalet e DIGITALB, Abonentët me dekoder satelitor të thjeshtë duhet të veprojnë në këtë mënyrë:
- Hyni në MENU-në e dekoderit
- Kaloni në opsionin "Instalimi"
- Dhe aty zgjidhni komandën "Fshij të gjithë kanalet"
pasi ky proces të ketë përfunduar...
- Hyni sërish në MENU-në e dekoderit
- Kaloni përsëri në opsionin "Instalimi"
- Dhe duhet të fshijnë kanalet ekzistues në Menu-në e Instalimit, dhe më pas të bëjnë kërkim manual në frekuencën 11,055 MHz - Symbol Rate 27,900 - FEC 2/3 - Polarizimi Verikal.
Për një pjesë të Abonentëve me dekoder të thjeshtë satelitor do jetë patjetër i nevojshëm kërkimi manual në Frekuencën:
10,757 MHz - Symbol Rate 27,500 - Ksym - FEC 7/8 - Polarizimi frequena 11658 H 27900
Vertikal.
Në këtë mënyrë Abonentët me dekoder të thjeshtë satelitor do t’i kenë sërish të rregjistruar të gjitha kanalet e platformës DIGITALB si dhe ato ndërkombëtare, njësoj si më parë.
Ndërsa Abonentët me dekoder HIGH DEFINITION, do t’i kenë sërish kanalet e DIGITALB, të listuar
automatikisht. Mjafton që ta fikin dhe ta ndezin sërish dekoderin.
Kompania DIGITALB falenderon për mirëkuptimin të gjithë Abonentët e Platformës Satelitore dhe kërkon edhe njëherë ndjesë për ndërprerjen e sinjalit si pasojë e avarisë së rëndë të ndodhur me satelitin në hapësirë!
DIGITALB deklaron se të gjithë Abonentëve të Platformës Satelitore, do t’u kompensohen FALAS të gjitha ditët e humbura prej mungesës së transmetimit.