AW: Digjet Flamuri!!!
Edhe artistët të revoltuar për djegjen e flamurit
Duket se barsoleta me Nastradinin, kur rrëzohet nga dardha dhe preferon që të shkojnë ta shohin vetëm ata që e kanë provuar vetë këtë të rrëzuar, është shumë aktuale këto ditë. Pas djegies së flamurit shqiptar nga tifozë serbë të futbollit, në Itali, kanë reaguar dhjetëra këngëtarë nga Shqipëria, duke e dënuar secili në mënyrën e vetë këtë akt, shkruan Infopress. Në parim, ky reagim i tyre duket më se njerëzor dhe i arsyeshëm. Por, të kujton edhe diçka tjetër, që lidhet me barsoletën. Reagimet nga Kosova, kur në Shqipëri nderohej Goran Bregoviqi, kur lëshohej muzikë serbe, ftoheshin valltare serbe në emisione etj., nga jo pak këngëtarë dhe figura të tjera publike nga Shqipëria, dukeshin të çuditshme. Ata ngulmonin që arti duhet ndarë nga politika, dhe se e kaluara e hidhur e shqiptarëve nga Kosova nuk duhet të jetë pengesë për shkëmbime kulturore. Por, duket se kjo mendje e hapur nuk vlen në të gjitha rastet.
Pas djegies së flamurit shqiptar nga tifozë serbë të futbollit, në Itali, kanë reaguar me dhjetëra artistë nga Shqipëria, duke shfrytëzuar rrjetin social Facebook, për të shprehur revoltën e tyre.
Aktori i humorit, Julian Deda, në profilin e tij në Facebook, shkruan: “I them të gjithë serbëve që mendojnë dhe veprojnë si ata kriminelët në stadiumin e Xhenovës, që dogjën flamurin shqiptar….ai është flamur që ka shumë histori nga mbrapa dhe nuk mund t’ia zhbësh lavdinë me një të djegur…e di pse ne shqiptarët nuk duhet të djegim një flamur serb, sepse ne nuk duhet të denjojmë ta prekim fare me dorë….se ta bën dorën pis”.
Një tjetër reagim vjen nga këngëtarja Anjeza Shahini, e cila në të njëjtin rrjet shkruan: “Totalisht e shëmtuar skena e djegies së Flamurit tonë të bukur. Mu rrëqeth mishi kur e pashë, por ata djem thjesht tregojnë kulturën dhe shpirtin e tyre të pisët…gjest të cilin nuk do dëshiroja kurrë ta shihja të bërë nga shqiptarët, me një vend të vogël e me probleme, por me zemër të madhe”. Ndërkaq, këngëtarja Mariza Ikonomi shkruan vetëm “Turp serbëve!”.
Një këngëtare tjetër që ka zgjedhur të shprehë revoltën e saj në Facebook është
Ronela Hajati, e cila nuk i kursen as sharjet. “Fuck Serbia! Dhe të na ndjeni për mungesën e kulturës, po këta hajvanët ta sillkan në majë të hundës!”.
Një reagim tjetër indirekt vjen edhe nga modelja Agnesa Vuthaj, e cila ka zgjedhur vargjet e famshme të Mitrush Kutelit: Jam Shqiptar e Kosovar/Zot, e krenar, Zot e bujar/mbi këtë dhé, q’e kam si fe, e përmbi fé/ …e kam Vatan!/e kam Atdhe!