Bessat
Boardveteran
PODGORICE- Kombëtarja shqiptare ka fituar 1-0 në miqësoren me Malin e Zi, të zhvilluar në Podgoricë. Goli i Hamdi Salihit 11 minuta para përfundimit i dha fitoren ekipit kuqezi, në miqësoren e dytë për vitin 2010 pas asaj me Irlandën e Veriut. Ndeshja është dominuar nga Shqipëria, përballë një Mali të Zi, që pavarësisht emrave, nuk ka bërë thuajse asgjë në fushën e lojës. Sfida është vendosur në minutën e 79-të, kur Salihi ka goditur mjaft bukur nga 20 metra, duke mposhtur portierin malazez. Kombëtarja shqiptare nuk ka rrezikuar për asnjë moment, falë lojës në mbrojtje të Canës, Dallkut, Agollit apo Currit. Në stadiumin e Podgoricës ishte edhe një numër i madh tifozësh shqiptarë, që kanë përkrahur ekipin përgjatë 90 minutave. Ndërkohë, në fushë nuk ka munguar as nervozizmi mes futbollistëve, ndërsa në një moment tifozët kanë hedhur fishekzjarre në tribunën VIP. Kjo fitore ishte e dyta për Shqipërinë për këtë vit në ndeshjet miqësore, pas asaj të 3 marsit me Irlandën e Veriut.