Formula 1

[Bessat]

Bullgaria mund të bëhet nikoqir i Grand Prix Formula 1




Bullgaria është gjithnjë më afër Grand Prix-it të saj, që nga momenti kur drejtori i përgjithshëm i këtyre garave Bern Ekëlstoun, parimisht e mbështeti që një organizim i tillë të bëhet real, në këtë vend. Bullgaria është një hap pranë, për ti marr dritën e gjelbërt nga Ekëlstoun për organizimin e këtyre garave, transmetoi mbrëm kryetari i federatës së motoçiklizmit Rumen Petkov, i cili ka patur bisedime direkte me Ekëlstoun, dhe i ka cilësuar si të suksesshme.
Pritet që për një kohë të shkurtë, federata bullgare e motoçiklizmit, të nënshkruaj një kontratë, me anë të të cilës Bullgaria do të merrte pjesë në kalendarin e garave automobilistike në dhjetë vitet e ardhëshme.

 

[Bessat]

Fitorja e parë për Ueberin

Fitorja e parë për Ueberin




Mark Ueber pas pol-pozicionit të parë në karrierë, sot arriti edhe fitoren e parë. Piloti Red Bullit, është bërë australiani i parë që ka fituar ndonjë garë të Formula 1. I dyti në Shpërblimin e Madh të Gjermanisë, që u zhvillua në shtegun e Nyrburgringut, doli vendasi Sebastian Vetel. Pozita e fundit në podium i takoi brazilianit, Felipe Masa. Lideri i botërorit, Xhenson Baton u rëndit vetëm i pesti, pas gjermanit Niko Rozberg, dhe para bashkëngasësit nga skuderia Braun, Rubens Barikello.
Me këtë fitore, Mark Ueber është ngjitur në pozitën e tretë në renditjen e kampionatit botëror, dhe tani ka 45.5 pikë. I pari akoma është britaniku Xhenson Baton, para Sebastian Vetel me 47 pikë. Në renditjen e skuderive, Braun është e para me 112 pikë, ndërsa Red Bull renditet e dyta me 92.5 pikë. Në pozitën e tretë larg prej dyshes lidere renditet Tojota, me vetëm 34.5 pikë.
Gara e ardhshme zhvillohet në Budapest, për Shpërblimin e Madh të Hungarisë, me datë 26 korrik.

 

[Bessat]

Schuhmacher në Formula 1

Zyrtare – Schumacher, 1 vit te Mercedes GP për 7 milionë euroIMG Removed




Londër, 22 dhjetor - Pas 81 ditëve, më 14 mars të vitit 2010 në Bahrejn, tifozët e Formula 1 sërish do të mund të kënaqen duke ndjekur aftësitë e Miachael Schumacherit, pilotit me më shumë trofe në Formula 1. Sipas të përditshmes gjermane Bild, piloti më i mirë i Formula 1, Michael Schumacher sonte, (e martë) ka nënshkruar kontratë njëvjeçare me skuderinë Mercedes GP në bazën angleze Brackley, për një shumë prej shumë prej 7 milionë euro. Vendimtare sipas burimeve të Bildit që Schumacher të nënshkruaj me Mercedes GP kanë qenë këshillat dhe fjalët bindëse të mikut të tij të afërm, Rosso Brawn. Britaniku ka qenë drejtor teknik në Benetton nga viti 1992 deri 1995 në kohën kur Schumi kishte fituar dy titujt e parë botëror. Pastaj ata së bashku dhjetë vite 1996-2006 kanë qenë te Ferrari, me të cilët gjermani kishte fituar pesë trofe. A mundet që Schumacher të shpallet Legjendë e gjallë duke fituar edhe titullin e tetë, është pyetja që të gjithë ia parashtrojnë vetvetes. / Zhurnal /